Коронавирус никадәр куркыныч?

Хәбәрләрнең кайсысы дөрес, кайсысы ялган икәнлеген дә аерып бетәрлек түгел. Шуңа иң яхшысы, мөгаен, белгечләр сүзенә колак салу булыр.

Коронавирус никадәр куркыныч соң? Бу хакта Башкортстанның Гигиена һәм эпидемиология үзәге баш табибы Анна КАЗАКның “РБК-Уфа” телеканалына биргән интервьюсын тәкъдим итәбез.

– Коронавирус – электән билгеле булган вируслар төркеме. Ә бүген дөнья буенча йөрегән штамм – яңа. Аны өйрәнәләр, һәм ул чынлыкта алай ук куркыныч түгел. Аның хәвефе шунда: ул күбрәк өлкән кешеләргә йога. Һәм теге яки бу территориядә таралганда чирнең нинди юнәлеш аласы билгеле түгел. Шуңа медикларның таләпләрен үтәргә кирәк.

– Беренчедән, табиб карый. Ул пациентны тикшерергә кирәкме, юкмы икәнлеген хәл итә. Кирәк икән, танау һәм авыз куышлыгыннан мазок алына һәм лабораториягә тапшырыла. Материалны тикшерү өчен ике сәгать тирәсе вакыт таләп ителә. Аннары протокол языла. Ул дәвалаучы табибка барып җиткәнче берәр тәүлек үтәргә мөмкин. Коронавируска шикле дип, күзәтү астында булганда кешедән ике тапкыр анализ алына. Тикшерү нәтиҗәләре икесе дә кире булганда кеше сәламәт дип исәпләнә.

– Бу ялгыш караш. Әгәр кеше шәхси гигиена кагыйдәләрен үтәми, дуамалланып сәяхәтләргә йөри, вируска шикле кешеләр белән аралаша икән, иң сәламәт кеше дә чирләргә ихтимал.

– Әлбәттә, маскалар – бәхәсле мәсьәлә. Кемдер, юк, ди, икенчеләр яклый. Әмма мин һәрвакыт, масканы чирле кеше кияргә тиеш, дип әйтәм. Бу – этика һәм хәвефсезлек. Маска сөйләшкәндә, төчкергәндә, ютәлләгәндә һава-тамчы инфекцияләрен, вирусларны таратмау өчен кирәк. Ләкин әле барысына да битлек кияргә киңәш ителә. Аларны авыз һәм борынны капларлык итеп, дөрес кию мөһим. Ул биткә сыланып торырга тиеш. Масканы ике сәгатьтән өч сәгатькә кадәр кияргә кирәк, аннары алмаштырырга. Күп кеше булган урыннарда кию зарур. Әйе, ул саклый.

– Сабын да безне вирустан саклау чарасы булып тора. Борынны да сабын белән юарга мөмкин. Иң мөһим саклану чарасы – гигиена: сабынны да, дезинфекция чарасын да кулланырга була.

– Кешедә иммунитет барлыкка киләме, әллә юкмы икәнлеге турында фәнни расланган мәгълүмат әлегә юк.

– Бүген беркем дә мондый фараз бирә алмый, чөнки бу яңа вирус. Әле бар эпидемиологик процесслар өйрәнелә. Һәм алар, әйтүе дә читен, гамәлдә тикшерелә. Шуңа берәү дә чирнең югары ноктасы кайчан булыр, ул ничек үсеш алыр һәм күпмегә сузылырын әйтми. Галимнәр билгеләвенчә, бу төркем вируслар – сезонлы. Шуңа коронавируслар та алардан аерылмас дип уйлыйк. Гадәттә бу вирусларга бәйле чирләр гыйнвардан май аена кадәр бара. Яңа коронавирус та җәй башыннан артыкка сузылмас дип өмет итәбез.