Юлдашлары да тынычлангандыр...

Вахтовик сәламәт булып чыкты.

"Мәскәү - Белорет" поездында авырып киткән һәм Инҗәр станциясендә төшкән 26 яшьлек вахтовикның коронавируска анализ нәтиҗәсе бүген билгеле булды.

Анализ нәтиҗәсе тискәре, дип хәбәр итә үз социаль челтәрләрендә Белорет районы хакимияте башлыгы Андрей Иванюта. Аның сүзләренчә, пациент әле шәһәр йогышлы авырулар дәваханәсендә, аның хәле канәгатьләнерлек, дип яза "Кызыл таң", "Башинформ" мәгълүмат үзәге хәбәрләренә нигезләнеп.

Яшь егет Инҗәр станциясендә 2 апрельдә хәле начар булуын хәбәр итә. Ул, шулай ук, элегрәк СОVID-19 белән авыручы кеше белән элемтәдә булуы турында әйтә. Шикләнелүче утырган вагонда 48 пассажир булган. Алар бу көннәрдә ут йотып яшәде. Инде бу сәенечле хәбәрне ишеткәннәрдер һәм тынычланганнардыр.

Сәламәт булыйк, дуслар!