Барлык яңалыклар
Коронавирус
2 апрель 2020, 23:20

“Мөмкинлек булса, түләгез, әлбәттә”

Илдус Мамаев республика халкын борчыган сорауга җавап бирде.

Үзизоляция шартларында йорттан чыгып йөрергә ярамаганлыктан, коммуналка өчен вакытында түләмәгән өчен идарә итүче компанияләр пеня өстәрме? Башкортстан халкын шушы сорау борчый иде.
2 апрельдә Сәламәтлек саклау министрлыгы брифингында Торак-коммуналь хуҗалыгы министры урынбасары Илдус Мамаев бу җәһәттән болай диде: “2020 елның 1 мартыннан идарә итүче һәм ресурслар белән тәэмин итүче компанияләр тарафыннан пенялар өстәлмәячәк”.
“Бу хәл үзизоляция чоры тәмамланганчы дәвам итәчәк. Ләкин бу коммуналка өчен түләмәскә ярый дигән сүз түгел. Торак-коммуналь хезмәтләрдән файдаланучы барлык гражданнарга әйтәсем килә: мөмкинлек булса, түләгез, әлбәттә”.
Илдус Мамаев шулай ук коммуналь хезмәтләрнең элекке режимда эшләве турында әйтте.

Фото: «Башинформ»

Чыганак: «Башинформ»

Читайте нас в