Ничек үзебезгә антисептик эшләргә?

“Теләсә кайсы сабын антисептик сыйфатларга ия, - дип исәпли бу җәһәттән профессор, Мәскәү терапевтлар фәнни оешмасы рәисе Павел Воробьев. - Моннан тыш, теләсә кайсы төр спиртлы сыекча – шул исәптә аракы да – шулай ук антисептик ул.

Әгәр йортыгызда даруханәдән алынганы да, башка алкогольле эчемлек тә булмаса, нәнәйләр рецептын кулланырга була. Ул болай эшләнә: кәгазьне аласың, яндырасың, көлен су белән кушып болгатасың. Барлыкка килгән “щелок” – шул ук антисептик. Аның белән кул юарга була. Сабынны уйлап тапканчы кешеләр шушы “щелок” белән кер юганнар, үзләре дә юынганнар”.

Антисептиклар турында сүз чыккач, гәзит укучыларга “Дом-2” йолдызы, телевидениедә алып баручы Ольга Бузованың алымы турында да әйтеп китик. “Мин кулларымны үземчә дизекфекциялим, - ди ул. - Хәзер даруханәләрдә спиртлы салфеткалар табуы авыр булганлыктан, мин гади салфеткалар алам. Кабына бераз аракы агызам, ул салфеткаларга сеңә, шуның белән кулларымны сөртәм. Бик уңайлы әйбер”.