18 яшьлек кызның гомере өзелгән

Бу фаҗига кичә кич Белорет районының Железнодорожный авылында булган.

«Лада Приора» автомобилен йөртүче 21 яшьлек кеше урам аша чыгып баручы кызны бәрдергән, дип хәбәр иттеләр РБ Дәүләт автоинспекциясендә.

Алынган җәрәхәтләрдән 18 яшьлек җәяүле шул урында ук үлгән. Полиция хезмәткәрләре һәлакәтнең барлык шартларын һәм сәбәпләрен ачыклап, тикшерү үткәрә.

Юлларда сак булыгыз, дуслар! Җәяү йөргәндә, светофорның яшел төсендә генә юл аша чыгыгыз.