Непалдә - зур афәт

Непалда койма яңгырлар афәт китергән. Су ташып елгалар ярларыннан чыккан,биек таулардан юеш балчыклар ишелеп, шәһәрләрне җимергән, кешеләрне агызып алып киткән. Непал хакимияте хәбәр иткәнчә, дәүләткә ишелгән җимергеч су басу корбаннары саны 469 кешегә җиткән, меңнән артык кеше хәбәрсез югалган.  Югалучылар арасында чит ил туристлары да бар.

Илдә коткару операцияләре дәвам итә, әмма стихия инде инфраструктурага һәм торак районнарга җитди зыян салган, меңәрләгән гаиләләр йортсыз калган. Җирле хакимият мәгълүматларына ярашлы, һәлак булучыларның шактый өлеше Катманду башкала округына һәм аңа якын территорияләргә туры килә, анда су дәрәҗәсе озакка сузылган яңгырлардан соң кискен билгеләргә кадәр күтәрелгән.

Ярларыннан чыккан елгалар бөтен кварталларны баскан, автомобиль күперләрен  һәм төп транспорт артерияләрен җимергән. Аеруча зыян күргән районнарда электр һәм элемтә өзелгән, ә медицина учреждениеләре зыян күрүчеләр белән тулган.

Халыкара гуманитар оешмалар Непалга стихияле бәла-каза нәтиҗәләрен җиңүдә ярдәм итәргә әзер булуларын белдерде. Шул ук вакытта метеорологлар якындагы көннәрдә яңа явым-төшемнәр булу ихтималы турында кисәтә, бу эзләү-коткару эшләрен башкару өчен өстәмә куркыныч тудыра.

Ил Хөкүмәте куркыныч зоналардан халыкны эвакуацияли һәм хәзерге Непал тарихында иң җимергеч дип танылган  ташу китергән зыянны бәяләү өчен өстәмә ресурслар мобилизацияли. 

 

Фотолар: news.ru;     forbes.com