Кәкре каенга терәтәләр

Соңгы көннәрдә генә дә аферистлар республикада берничә кешене алдаган. Алдакчылар хәйләсен эләкмәгез!

Туймазы районы полициясенә җирле пенсионер хатын мөрәҗәгать иткән. Аңа кәрәзле телефонга үзен курьер хезмәте хезмәткәре дип таныштырган кеше шалтыраткан. Посылканы китерүне рәсмиләштерү сылтавы белән ул аның акчаларына керү мөмкинлеген алган һәм 529 мең сумнан артык акчасын урлаган.

Шундый ук хәл Стәрлетамакта да була, анда 22 яшьлек кыз корбан була. Мессенджерларның берсендә аңа кызыксындырырылык юллама тәкъдим итәләр. Броньне раслау өчен аны сылтама буенча күчәргә күндерәләр, бу 24 мең сумнан артык акчаны югалтуга китерә.

Тагын бер пенсионер 300 мең сум акчасыннан мәхрүм калган. Мошенниклар үзләрен интернет-провайдер хезмәткәрләре дип таныштырганнар һәм отышлы ташлама, килешүне озайту һәм счетларны «яклау» тәкъдим иткәннәр. Нәтиҗәдә, ышанучан хатын кулындагы акчаны килгән курьерга тапшырган.

Үзеңне ничек якларга?

Таныш булмаган номерлардан шалтыратуларны игътибарсыз калдырыгыз.

Беркайчан да шикле сылтамалар буенча күчмәгез.

Рәсми  билетларны һәм юлламаларны рәсми сайтларда гына сатып алыгыз