Мошенникларга ышанмагыз

Русия Эчке эшләр министрлыгының Уфа шәһәре буенча 6 нчы полиция бүлегенә 31 яшьлек  хатын-кыз мөрәҗәгать иткән. Ул 3 июльдә билгесез кешеләр аңа күп тапкырлар телефонга шалтыратулары турында белдерде. Башта шалтыратучылар үзләрен янәсе Русия Почтасы хезмәткәрләре дип таныштырганнар һәм хатын-кыздан хат алу өчен смстан кодны әйтеп бирүен сораганнар. Шуннан соң җинаятьчеләр алдауның гадәти ысулын кулланганнар: үзләрен Үзәк банк хезмәткәрләре итеп күрсәткәннәр, зыян күрүчене аның шәхси мәгълүматларының куркыныч астында булуына ышандырганнар. Алар җитәкчелегендә хатын-кыз «куркынычсыз исәп» булдырган һәм аңа 350 мең сум күчергән.

Шулай ук Уфада яшәүче 72 яшьлек  пенсионер да мошенниклар корбанына әйләнгән. Пенсионер белдергәнчә, аңа мессенджерга янәсе ачкычлар алу сылтавы белән домофон-сервис хезмәткәрләре шалтыраткан. Аннары җинаятьчеләр үзләрен полиция һәм Үзәк банк хезмәткәрләре дип таныштырганнар, ир-атны аның шәхси мәгълүматлары чыгуы турында кисәткәннәр, «куркынычсыз исәп» булдырырга ышандырганнар. Мошенниклар схемасы буенча, пенсионер 300 меңгә якын үз акчасыннан мәхрүм калган.

Хөрмәтле гражданнар! Исегезгә төшерәбез, мошенниклар төрле сылтаулар белән шалтыратырга һәм үзләрен төрле хезмәт хезмәткәрләре дип таныштырырга мөмкин. Сезгә шалтыраткан һәр кешегә ышанмагыз, акчаларыгызны билгесез исәпләргә күчермәгез. Аз гына шик туса, билгесез кеше белән сөйләшүне туктатыгыз. Башкортстан Республикасы буенча Эчке эшләр министрлыгы.

Игътибар! Мошенниклар һәм таныш булмаган кешеләр белән аралашканда уяу һәм сак булыгыз. Банклар һәм махсус хезмәтләрнең «кайнар линиясе» буенча мәгълүматны һәрвакыт яңадан тикшерегез.

Фото: kosa.permkrai.ru