Агыйдел елгасында 16 яшьлек бала батып үлгән

Кичә,13 июньдә, Мәләвез районында Агыйдел елгасыннан водолазлар бер яшүсмернең җансыз гәүдәсен алып чыкканнар.

Егет ике көн элек кенә 16 яшен бәйрәм иткән, ә кичә әти-әнисе белән Сабаш авылы янындагы елга ярына ял итәргә барганнар. Яшүсмер суга керергә ярамаган урында су коенган. Дүрт сәгать эзләгәннән соң егетне тапканнар, дип хәбәр иттеләр республиканың Гадәттән тыш хәлләр министрлыгы матбугат хезмәтендә.