Язмыш белән усал шаяралар

Исерек водительләргә очрарга язмасын!

Узган тәүлектә Уфа юлларында җиде исерек машина йөртүчене тотканнар. Бу хакта шәһәр дәүләт автоинспекциясе матбугат хезмәте хәбәр итә.

 Узган 24 сәгать эчендә 33 юл-транспорт һәлакәте теркәлгән, аларның берничәсендә ике кеше зыян күргән. ДАИ хезмәткәрләре юл хәрәкәте кагыйдәләрен бозуның 375 очрагын булдырмый калган.

 — Исерек килеш транспорт белән идарә иткән җиде машина йөртүче тоткарланды, дүрт машина йөртүче исерек булу-булмавына медицина тикшерүе узудан баш тартты, – дип хәбәр итте Башкортстан башкаласының юл полициясе.

Фото:  Комсомольская правда.