Мунчада 40 яшьлек ирнең гомере өзелгән

Кичә кич Күгәрчен районында янгында 40 яшьлек ир-ат һәлак булган. Фаҗига турында Башкортстан Республикасы буенча гадәттән тыш хәлләр министрлыгының Баш идарәсе хәбәр итте.

Янгын сүндерүчеләр Морак авылындагы агач мунчаны сүндерергә килгәннәр.  Азактан алар бу урында ир-ат гәүдәсен тапканнар.

Әле Русия гадәттән тыш хәлләр министрлыгының сорау алучысы һәм тикшерү-оператив төркем эшли. Янгынның сәбәбен ачыклыйлар.