Әле су басуның 17 очрагы белән көрәшәләр

Башкортстаның гадәттән тыш хәлләр буенча дәүләт комитеты язгы ташу белән бәйле соңгы мәгълүматны җиткреде.

Узган тәүлектә 112 системасына су басу турында 21 хәбәр килгән. Республика елгаларында бозлавык, суның боз өстенә һәм яр буйларына таралуы күзәтелә.

12 муниципалитетта 17 хәл контрольдә тотыла. Алар:

- Архангель, Белорет, Благовар һәм Кушнаренко районнарында йорт яны участокларын су басу;

- Әлшәй, Архангель, Авыргазы, Белорет, Гафури, Кырмыскалы, Салават һәм Чакмагыш районнарында төбәк һәм муниципальара әһәмияттәге автомобиль юлларының 9 участогын су басу;

- Бишбүләк һәм Чишмә районнарында 2 тәбәнәк күперне су басу.

Кичә Инзәр елгасында Азов һәм Озынлар авыллары арасындагы участокта өстәмә шартлату эшләре башкарылган. Архангель районында оператив штаб эшләвен дәвам итә.