Туймазы районында трассада автобус янган

Автобус Махачкала-Уфа маршруты буенча хәрәкәт иткән.

Республиканың Туймазы районында М-5 “Урал” трассасының 1291нче километрында “Неоплан” шәхси автобусы янган. БР буенча Гадәттән тыш хәлләр министрлыгында хәбәр итүләренчә, янгын сүндерүчеләр Махачкала-Уфа маршруты буенча хәрәкәт иткән автобусны сүндергәннәр.

Транспортны 18 минутта сүндергәннәр. Каза күрүчеләр һәм һәлак булучылар юк.

Автобус салонында 12 кеше барган, алар арасында 3 водитель һәм 9 пассажир булган. Ашыгыч хезмәтләр эшчеләре барлык пассажирларны хезмәт машиналарына утырткан, соңрак аларны якындагы кунакханәгә урнаштырганнар.

Чыганак: bashinform.ru