Бассейнда баланың кулы кысылып калган

Балаларның шуклыгы аркасында кайвакыт күңелсез хәлләр дә килеп чыга шул. Кичә кич Яңавыл мунча комплексында бассейн патрубкасында 11 яшьлек баланың кулы кысылып калган. 

Әти-әниләре, хезмәткәрләр дә чыгара алмагач, коткаручыларны чакырганнар. Аларга бассейннан суны башатырга, ә аннары перфоратор белән бетон стенаның бер өлешен җимерергә туры килгән.

Коткаручыларның 6 сәгать тырышлыгы ярдәмендә баланың кулы авыртуларсыз һәм җәрәхәтсез чыгарылган.