Башкортстанда мәчет янган

Башкортстанның Кыйгы районында мәчеттә янгын чыккан.

Ягын авылындагы мәчеттә чыккан утны ирекле янгын сүндерүчеләр һәм Русия гадәттән тыш хәлләр министрлыгы хезмәткәрләре сүндергән.

Янгын сүндерүчеләр килгән вакытта бүрәнә бинаның эчке яклап 90 квадрат метр мәйданын ут ялмап алган булган, дип хәбәр итәләр министрлыкның матбугат хезмәтендә.

“Янгын сүндерелде. Беркем дә зыян күрмәгән. Янгынның сәбәбе ачыклана, әле анда Русия гадәттән тыш хәлләр министрлыгының сорау алучысы эшли” диелә ведомствоның рәсми мәгълүматында.