Яшь ярымлык бала тимер акча йоткан

Баймак үзәк дәваханәсе табиблары Хәйбулла районында яшәүче яшь ярымлык баланы коткарган. Сабый тимер акча йоткан да, чак үлемнән калган.

Әти-әнисе аны ашыгыч рәвештә Баймак үзәк хастаханәсенә алып килгән. Табиблар рентген сүрәте ярдәмендә акчаның кайсы җирендә эләгеп калуын ачыклаганнар, һәм махсус инструмент ярдәмендә аны ашказанына этеп төшергәннәр.

Бала исән-сау, үзен яхшы хис итә, сәламәтлегенә бернинди дә куркыныч янамый.

Табиблар ата-аналарга балаларына карата игътибарлы булырга өнди. Аеруча кечкенә балаларга. Алар кызыксынучан була, вак әйберләрне беркем күрмәгәндә авызына кабарга гына тора.