Сабыйның гәүдәсен тапканнар

Йөрәкләр әрнеп, яхшыга өметләнеп көтсәк тә, булмады...

БР буенча Гадәттән тыш хәлләр министрлыгы идарәлеге мәгълүматлары буенча, 7 яшьлек баланың гәүдәсе табылган.

Сабыйның җансыз гәүдәсе автомобиль су астына киткән урыннан агым буенча 200 метр түбәнрәк табылган.

Исегездәдер, 8 сентябрьдә Бөредә көймә белән прицеп үзе артыннан суга «УАЗ» автомобилен алып китүе турында язган идек.. «УАЗ» эчендә ике олы кеше һәм өч бала була. Башкалар чыга алган, ә менә 7 яшьлек сабый чыга алмаган.

Вакыйга буенча тикшерүчеләр җинаять эше кузгаткан.

 Зур кайгы килгән гаиләгә, якыннарына күркәм сабырлыклар телибез.