Үсмер самокатта 3 яшьлек бала өстенә барып менгән

Кичә, 1 сентябрь көнне, көндезге сәгать икеләрдә  Дагыстан урамындагы 10/1 санлы йорт каршында электр самокатында хәрәкәт итүче  12 яшьлек үсмер каршысына килүче бала өстенә барып менгән. Юл вакыйгасы нәтиҗәсендә 3 яшьлек баланың кулы сынган. Аңа дәваханәдә медицина ярдәме күрсәткәннәр.

Самокаттан тапталган мизгелдә  баланың әнисе белән өйгә кайтып баруы билгеле.

Тикшерү башланган.