Борай районында картәнисе белән 4 яшьлек бала янып үлгән

Борай районының Хаҗи авылында бүрәнә йортта чыккан янгыннан соң 53 яшьлек хатын һәм аның 4 яшьлек  оныгының гәүдәләре табылган. Агач йортта чыккан янгынны җирле халык сүндергән.

Соңрак Русия Гадәттән тыш хәлләр министрлыгының янгын сүндерүчеләре йортка яңадан ут капмасын дип пыскып янган җиһазларга яхшылап су сибеп чыккан.

Янгын сәбәбе ачыклана.

Русия Гадәттән тыш хәлләр министрлыгының БР буенча Баш идарәсе начальнигы вазифасын вакытлыча башкаручы Эдуард Идрисов күрсәтмәсе буенча  вакыйга урынына Баш идарәнең оператив төркеме юнәлтелгән, шул исәптә Русия Гадәттән тыш хәлләр министрлыгы дознавателе һәм сынау янгын лабораториясе эксперты.  

Чыганак: bashinform.ru