Яшен 55 сарык белән 1 сыерны юк иткән

Башкортстанның Әбҗәлил районында кичә янә коточкыч давыл чыккан. Җирле халык социаль челтәррләрдә хәбәр итүенчә,  көчле җил берничә төзелгән йортның  һәм шулай ук мәктәп бинасының түбәләрен алып очырган. Аллаһка шөкер, бәла-каза күрүче булмаган.

“Целинный авылында боз бакчадагы үсемлекләрне генә кырып салмады, ул йортлардагы сайдингларга да зыян салды”, – дип язган табигать казасының бер шаһиты.

Туеш авылында 55 сарыкны һәм бер сыерны яшен суккан. Ярый көтүчегә зыян килмәгән. 

Авыл советы башлыгы  яшен суккан мал-туарны утильләштерәчәкләрен - чокыр казып яндырачакларын - сөйләгән. 

Табигать кануннары алдында берни эшли алмыйбыз шул. Иң мөһиме: гарасатлар үлем-китемсез була күрсен. 

Чыганак: bashinform.ru