Бишенче каттан егылып төшкән малайның хәле начарайган

Уфада республика клиник дәваханәсе табиблары моңа кадәр 5нче кат тәрәзәсеннән егылып төшкән 5 яшьлек малайның хәлен тотрыкландыруга ирешкән иде. Әмма “Башинформ” агентлыгы бүген ачыклавынча,  баланың хәле начарайган.

“Пациентның хәле бик авыр”, –сәламәтлек саклау министрлыгында  бүген шулай дип хәбәр иттеләр.

Исегезгә төшерәбез, 2 июньдә  Октябрь проспектындагы күпфатирлы йорт янында имгәнгән баланы тапканнар. Ул, москит челтәренә таянып,  бишенче кат фатир тәрәзәсеннән егылып төшкән. Ашыгыч ярдәм бригадасы аны  республика балалар клиник дәваханәсенә госпитализацияләгән иде.