Балтач районында парковкадагы машинага ут капкан

Водитель бу вакытта машина салонында булган.

Фото:БРның Гадәттән тыш хәлләр буенча Баш идарәсеннән.

Бүген иртән Балтач районының Ташлы-Елга авылында җиңел машина янган. Бу хакта Гадәттән тыш хәлләр министрлыгының БР буенча Баш идарәсендә хәбәр иттеләр.

“Ир-ат юл буе кафесындагы парковкада ялга туктаган һәм үзенең “Лада Веста” машинасында йоклап киткән. Машинага ни сәбәптәндер ут капкан. 25 яшьлек водитель, агулы төтен сулап, дәваханәгә эләккән”, – дип сөйләгән коткаручылар.

Янгынны Гадәттән тыш хәлләр министрлыгы коткаручылары сүндергән.

Кызганыч, машинадан тимер өеме генә калган...

Чыганак: bashinform.ru