Оныкларым өшемәсен дип газ мичен кабызган хатын агуланып үлгән

Октябрьскийда күп катлы йортта фаҗига теркәлгән.  Фатирын җылыту максатында хуҗабикә газ духовкасын кабызган һәм нәтиҗәдә оныклары белән газ исенә исергән. Кызганычка каршы, 1961 елгы хатын үлгән,  2017 һәм 2018 елгы ике бала авыр хәлдә реанимациядә, дип хәбәр итәләр республиканың Гадәттән тыыш хәлләр министрлыгында.

Октябрьский шәһәре прокуратурасы вәкилләре газ чыккан фатирны барып күргән. Ведомство газ белән тәэмин итүче оешманы һәм идарәче компанияне тикшерергә ниятли. Шул исәптә бу фатирдагы  газ корылмаларына һәм вентиляция шахталарына диагностика үткәрү мәсьәләсен дә.  

Чыганак: bashinform.ru