Кыз агачка эләгеп калган

Мәктәп укучысы дуслары белән гараж түбәләрендә сикереп йөргән. Төшәргә җыенганда, агачка аягы белән эләгеп калган. Ул үзе генә чыга алмаган, нәтиҗәдә коткаручыларны чакырырга туры килгән.

Коткаручылар агачта эләгеп калган кызны азат иткәннәр. Кызга медицина ярдәме таләп ителмәгән, әмма әнисенә баланы травматология пунктына тикшерү өчен алып барырга киңәш иткәннәр.