Вейп тартканнан соң психушкага эләккән

Вейп тартканнан соң бер ир-ат психиатрия дәваханәсенә эләккән, дип язып чыккан үзенең Телеграм-каналында сәламәтлек саклау министры Айрат Рәхмәтуллин.

“Республика клиник психиатрия хастаханәсенә кискен  психик хәлдәге ир-атны алып килгәннәр. Ул өзек-өзек тузга язмаган идеяләр турында сөйләгән, ә табиблар аңарда галлюцинацияләр булуын теркәгән”, – дип яза А. Рәхмәтуллин.  

Медиклар лаборатор тикшеренүләр үткәргән һәм аның нәтиҗәсендә ирнең организмында  никотин матдәләрнең күп күләмдә булын ачыклаган. Әңгәмә вакытында табиб-психиатр пациентның  тәмәке белән аралаштырып еш кына  вейп тартуын да  белгән.

“Электрон тәмәке тарткан вакытта организмга күп зыянлы һәм хәвефле матдәләр керә. Шуларның берсе – акролеин, ул аеруча токсик матдәләргә карый. Вейп баш мие үсешен  акрынайта, хәтергә, концентрациягә, үз-үзеңне контрольдә тотуга һәм нерв системасына начар тәэсир итә. Вейп тартуның башка зыянлы нәтиҗәләре арасында   иммунитетның какшавы, йөрәк һәм үпкә тукымаларының бозылуы, шулай ук когнитив  функцияләргә дә зыян килә”, – ди Айрат Рәхмәтуллин. 

Чыганак: bashinform.ru