Караидел елгасы уртасында ир-ат боз астына киткән

Бүген иртән  Уфаның бердәм диспетчер хезмәтенә  Цимлянская урамы, 18 санлы йорт тирәсендә Караидел елгасы уртасындагы бозда калган ирнең ярдәм соравы турында хәбәр килә. Вакыйга урынына шәһәрнең  Гражданнарны яклау идарәсенең эзләү-коткару отряды хезмәткәрләре һәм ашыгыч ярдәм бригадасы килә.

Хәбәр ителгән мәгълүмат раслана, ярдан 150 метр чамасы ераклыкта ир-ат боз астына төшеп киткән. Коткаручылар аны җылудан чыгара, ярга илтә һәм медикларга тапшыра.

“40-45 яшьләр чамасындагы ир бик каты өшегән һәм елга уртасында нишләвен аңлата алмады”, – диләр ведомствода.

Коткаручылар туңмаган сулыкларга чыкмаска чакыра. Язын боз бик мәкерле, ул аяк астында  шыгырдамыйча-нитмичә кинәт ярыла, һәм сез  бозның хәвефле өлешеннән борылып китеп өлгермәскә мөмкинсез!

Чыганак: bashinform.ru