Янган фатирдан коткарам дип, ана ике баласын тәрәзәдән ыргыткан

Иркутскида күп бала анасы янган фатирдан коткарыр өчен ике бәләкәй баласын бишенче кат тәрәзәсеннән ыргыткан.

Янгын Совет урамындагы биш катлы йортта чыккан. Янгын тарала башлаган бишенче кат фатирында 4, 7 һәм 9 яшьлек балалары белән ирле-хатынлы яшәгән.

Ана кеше тәрәзәдән җиде яшьлек кызын һәм дүрт яшьлек малаен аска ташлаган – балаларны янган йорттан чыгып өлгергән күршеләре тотып алган. Ахырда хатын үзе дә сикергән, тик уңайсыз егылган – табиблар аны коткара алмаган. Ире белән 9 яшьлек баласы да бик каты имгәнеп, үлгәннәр.

Күршеләре тотып алган балалар исән, алар әлеге вакытта реанимациядә. Фатирда чыккан янгынның сәбәбе – электр чылбырындагы кыска ялганыш. Җинаять эше кузгатылган. Нәтиҗәдә ике бала тома ятим калган...

Коточкыч фаҗига. Янгыннан да куркынычрак нәрсә бар микән дөньяда? 

Чыганак: lenta.ru