Такси машинасына ут капкан

Уфаның Софья Перовская урамында такси янган. Республика Гадәттән тыш хәлләр министрлыгының матбугат хезмәтендә хәбәр итүләренчә, бер йортның подъезды алдында торучы "Датсун Он-До" автомобиле янып киткән. Башта аның двигателеннән төтен чыккан. Берничә минуттан ул ялкынга әверелгән. Янгын сүндерүчеләр килеп, 8 минут эчендә сүндергәннәр. Зыян күрүчеләр юк.