Укучы, мәктәпкә пычак алып килеп, дүрт кешене яралаган

Ростов өлкәсенең Неклиновский районындагы Красный Десант хуторында мәктәпкә үтеп керергә маташканда үсмер дүрт кешене яралаган. Бу хакта төбәк губернаторы үзенең Телеграм-каналында хәбәр итә.

Төбәк башлыгы сүзләренчә,   дүрт кешене җәрәхәтләгән үсмер битлек кигән булган. Яраланучылар – мәктәптә эшләүче өч хезмәткәр һәм укучыларның берсенең туганы.

“Һөҗүм итүчене шаһитлар тоткарлаган. Ул – шушы мәктәптә белем алучы  психик авырулы 9 сыйныф укучысы”, – дип язган Голубев.

Табиблар җәрәхәтләнгәннәрнең хәлен  җиңелчә авырлыкта дип бәяли, аларга медицина ярдәме күрсәткәннәр. Вакыйга урынында белгечләр эшли.

Нәрсә дип була инде бу вакыйгага карата? Бу – дәүләт уйлап чыгарган инклюзиянең “җимешләре”. Психик авырулары булган укучыларның сәламәт балалар белән белем алуы әнә шундый күңелсез хәлләргә китерергә мөмкин. Һәм бу  беренче очрак кына түгел бит... 

Чыганак: lenta.ru