Руль артында утырган 14 яшьлек баланың гомере өзелгән

Кырмыскалы районының Яңа Кыешкы авылында яшәүче 14 яшьлек бала юл һәлакәтенә очрап үлгән.

Бу аяныч хәл бүген 18 сәгать тирәсендә авылга якын җирдә булган, дип хәбәр иттеләр Республика автоинспекциясендә. Полиция хезмәткәрләре ачыклавынча, яшүсмер әти-әнисенең «десятка»сын урлап алы чыгып киткән. Дусты белән йөреп килергә уйлаганнар. Тәҗрибәсез водитель машина белән чокырга төшеп киткән: руль артындагысы бик нык имгәнеп вафат булган, янында утырган пассажир исән калган, тик аңа табиблар ярдәме кирәккән. Фаҗига урынына полиция һәм прокуратура тикшерергә килгән.