Биш пенсионер, гөмбә ашап, реанимациягә эләккән

Республикада биш пенсионер, гөмбә белән агуланып, реанимациягә эләккән. Бу хәл Салават районында теркәлгән.

60тан алып 85 яшькә кадәрге өлкәннәр  Лаклы авылында яшәүче  85 яшьлек туган тиешле хатынга кунакка килгәннәр һәм гөмбәгә бармакчы булганнар.

Җыйган табигать нигъмәтләрен алар тиз үк пешереп ашарга уйлаган. Әмма ашап, берникадәр вакыт үткәч, өлкәннәр үзләрен начар хис иткән. Малояз үзәк район дәваханәсендә аларга “билгесез гөмбә белән агулану” диагнозы куйганнар.

Белгечләр агулы гына түгел, (сары поганка, чебен гөмбәсе), шулай ук шартлы рәвештә ашарга яраклы һәм ашарга яраклы гөмбәләр белән дә, әзерләү технологиясе бозылган очракта, агуланырга мөмкин, дип искә төшерә.Гөмбә җыю, эшкәртү һәм ашау кагыйдәләрен үтәргә кирәк. Таныш гөмбәләрне генә җыярга мөмкин һәм аларны җыю урыны юллардан, магистральләрдән, торак пунктлардан ерак булырга тиеш. Гөмбә уңышын полиэтилен пакетларга җыю киңәш ителми, моның өчен үрелгән кәрзиннәрне куллану яхшырак. Гөмбәнең   “аягн” тулысы белән кисәргә кирәк. Җыелган гөмбәләрне «соңыннан» эшкәртергә калдырмаска, аларны чистартырга һәм шунда ук пешерергә кирәк. Гөмбәләрне йөкле һәм имезүче хатыннарга, балаларга, әзерләү ысулына һәм вакытына карамастан, шулай ук өлкән яшьтәге кешеләргә ашарга ярамый. Гөмбәләр эшкәртү авыр ризык, шуңа күрә аларны куллануны чикләргә кирәк. Консерваланган гөмбәләрне ашаганда җитди авыру – ботулизм – барлыкка килергә мөмкин, ул гөмбәләрне ашаганнан соң 12-72 сәгатьтән соң күренергә мөмкин. Гөмбә белән агулануның беренче билгеләре булып күңел болгану, косу, күп итеп төкерек бүленеп чыгу, тән температурасының күтәрелүе, хәлсезлек, баш әйләнү, эч авырту, баш авырту, диарея тора. Көзән җыеру, күрү сәләте бозылу, галлюцинацияләр барлыкка килергә мөмкин. Агулануның беренче билгеләре булганда ашыгыч рәвештә медицина ярдәме сорап мөрәҗәгать итәргә һәм бернинди очракта да үз-үзеңне дәвалау белән шөгыльләнмәскә кирәк. 

Чыганак: bashinform.ru