Яшен мунчасыз һәм абзарсыз калдырган

Яңавыл районының Комалак авылындагы бер йортта янгын чыккан.

Фаразлар буенча, ул яшен сугу аркасында башланган, дип хәбәр иттеләр Башкортстан буенча Гадәттән тыш хәлләр министрлыгына. Бәхеткә, ул йортка түгел, ә йорт янындагы куралтыларга бәргән. Нәтиҗәдә мунча һәм абзар янган. Янгын сүндерүчеләр тиз арада килеп җиткән һәм 30 минут эчендә сүндергәннәр.