Водитель утырган машинаны яшен суккан

Австралиянең Перт  шәһәрендә водитель яшен сугудан соң яна башлаган машинадан чак чыгып өлгергән. Көчле койма яңгыр вакытында Поль Уильямс кибет янындагы парковкада руль артында утырган. Көтмәгәндә австралияленең машинасын яшен суккан һәм транспортка шунда ук ут капкан. Ир чыгып котыла алган.  Польнең машинасы аның күз алдында янып беткән, әлбәттә, ул эшкә яраксыз. Хәер, машина ул – тимер өеме, иң мөһиме – үзенә зыян килмәгән. 

Чыганак: lenta.ru