20 йортка ут капкан

Курган өлкәсенең Йолдыз  авылында мәктәп белән 20 йортка ут капкан. Бу хакта махсус хезмәтләр хәбәр итә.

Йолдыз авылында  табигый янгыннар сәбәпле 20 йорт һәм мәктәп яна, кешеләрне ашыгыч рәвештә эвакуациялиләр”, – дип яза ТАСС махсус хезмәтләргә таянып.

Өлкә хөкүмәтенең рәсми Телеграм-каналында әлеге вакытка Курганның Малое Чаусово микрорайонында яшәүчеләрне дә алдан кисәтү рәвешендә эвакуацияләүләрен хәбәр итәләр.

Эвакуация Курган өлкәсенең Белый Яр авылында да бара, ди.

Бүген, 7 майда, Төмән өлкәсендә көчле урман янгыннары аркасында гадәттән тыш хәл режимы кертелүе хакында хәбәр итәләр. 

Рәсми хәбәрләр шулайрак яңгырый. Ә ул коры сүзләр артында йөзләгән кеше кайгысы... Еллар буе җыйган малы, ихатасы, төзегән йорты көннәрдән-беркөнне көл-күмер өеменә әверелсен әле... Бик авыр хәл. Иң мөһиме -  үлем-китем була күрмәсен.