Турист кыядан егылып төшкән

Нуриман районының Павловка авылында бер ир-егет кыядан егылып төшкән. 

Башкортстанның иң популяр урыннарының берсен күрергә дип турист Нижневартовскидан килгән булган. Ирнең 4 метр биеклектән ялгыш ычкынып төшеп китүе ачыкланган. Альпинистлар җиһазлары ярдәмендә коткаручылар зыян күрүчене алып, якыннарына тапшырганнар.

Кыялардан туристлар егылып төшеп һәлак булулары, имгәнүләре турында хәбәрләр еш чыгып тора, әмма халык хәвеф тудыра торган урыннарга баруны һәм бәхетсезлек очраклары исемлеген тулыландыруны дәвам итәләр.