Бала артыннан суга сикергән

Русия янгын сүндерүчесе Николай Шаров яр буеннан бозда йөзеп киткән баланы коткарыр өчен салкын суда 40 метр ара йөзеп барган. Бу хакта Камчатка крае буенча Гадәттән тыш хәлләр министрлыгында хәбәр итәләр.

Хәл болай булган. Балалар Крашенников култыгында яр буендагы бозда уйнаган. Шулчак боз кисәкләренең берсе ярылган. Ярылганнан соң боздагы 10 яшьлек кыз акрынлап йөзеп киткән. Моны күргән шаһитлар коткаручыларна чакырткан.

Вакыйга урынына килеп җиткән Николай Шаров, махсус киемнәрен салып, биленә бау бәйләп, кыз артыннан йөзеп киткән. Бозга кадәр йөзеп баргач, ул аны кызчык белән бергә ярга таба буксирлаган.

Гадәттән тыш хәлләр министрлыгында боз кисәгенең ярдан 40 метр ераклыкка йөзеп китүен белдерәләр. "Суның тирәнлеге дә шактый анда, температурасы да түбән", - дигәннәр ведомствода. 

Чыганак: Лента. ру