Кар астында калган

Стәрлетамакта 5 март кичендә бәхетсезлек очрагы теркәлгән.  Шәхси йорт ишегалдында ир  атның өстенә кар массасы түбәдән төшкән. Бу вакытта  58 яшьлек  ир кеше өй янында басып торган.  Кар  катламы нәкъ аның өстенә төшеп, ир-атны тулысынча каплаган.

Туганнары медикларны чакырган, тик, кызганычка каршы, зыян күргән кеше, аңына килә алмыйча,  ашыгыч ярдәм  күрсәтү хезмәте  машинасында ук вафат булган.