Кеше дә үлгән

Башкортстанда гаражда янгын сүндергәндә ир-ат мәете табылган.

БР буенча МЧС матбугат хезмәте мәгълүматлары буенча, Дүртөйле шәһәрендә гараж кооперативларының берсендә янгын турында хәбәр 11 февраль иртәсендә килә.

Янгын нәтиҗәсендә 4×6 метрлы кирпеч гаражга һәм ВАЗ-2107 автомобиленә зыян килгән. Кызганычка каршы, янгын сүндерү вакытында һәлак булган ир-ат табылган. Вакыйганың сәбәпләре һәм шартлары әлегә ачыклана.

Янгын сүндерүчеләр республика халкына гаражларда газ баллоннары, яна торган сыеклыклар һәм материаллар саклауга юл куймау турында кисәтә.