Бакча йортында янып үлгән

Ачы салкыннар сәбәпчеме икән янгыннарга?

Фото:БРның Гадәттән тыш хәлләр буенча дәүләт комитеты

Чишмә районының Ключарёво авылында үзенең бакча йортында 62 яшьлек ир янып үлгән. Бу хакта БРның Гадәттән тыш хәлләр буенча дәүләт комитетында хәбәр итәләр. Янгын сүндерүчеләрне шаһитлар чакырткан. Янгынны сүндереп, корылма хәрабәләрен җыештырганда йрт хуҗасы табылган. Янгын чыгу сәбәбен дознаватель ачыклаячак.

Шушы көннәрдәгедәй торган чатнама салкыннарда, гадәттә, көчәндереп эшләтү нәтиҗәсендә, электр корылмалары сафтан чыга, мич конструкцияләренә зыян килә.

Чыганак: bashinform.ru