Машина боз астына төшеп киткән

Көзге бозга ышанма да бит...

https://02.mchs.gov.ru

Бүген, 21 ноябрьдә, Белоретта профилактик рейд вакытында республиканың Гадәттән тыш хәлләр буенча дәүләт комитеты коткаручылары суга баткан машинаны күреп кала.

Бу хәл Белорет сусаклагычы территориясендә шәһәр пляжы янында була. Якынча мәгълүмат буенча, “ВАЗ-2121” боз астына төшеп киткән.

“Су астын тикшерү өчен водолазлар җибәрелде. Зыян күрүчеләр турында мәгълүмат ачыклана. Полиция белән берлектә тикшерү эшләре бара”, – диләр Гадәттән тыш хәлләр министрлыгының Башкортстан буенча идарәсеннән.