Җәяүлене бәрдергән

«Лада Гранта» руле артында утырган исерек водитель 53 яшьлек җәяүлене бәрдергән һәм йорт капкасына барып менгән. 

Юл һәлакәте кичә кич, 1 октябрьдә, Благовещенск шәһәрендә булган. Ашыгыч ярдәм машинасы килеп җиткәнче җәяүле вафат булган.

Машина водителенә 47 яшь, алкотест аның организмында 1,092 мг/л спиртлы эчемлек барлыгын күрсәткән.

Спиртлы эчемлекләр эчкәч, руль артына утыручылар үзләрен генә түгел, тирә-юньдәгеләрне дә хәвеф астына куюларын онытмасыннар иде. Үзебезне һәм якыннарыбызны саклыйк.