Машина алдына ат чабып чыккан

29 сентябрь кичендә була бу хәл.

Уфа-Яңавыл юлында, Сосновка авылына борылышында "Киа Рио" руле артында утырган водитель юл-транспорт һәлакәтенә эләккән.

Башлангыч мәгълүматлар буенча, юлга кинәт ат чабып чыккан — машина аны бәрдереп, юл читенә төшеп киткән. Авариядә ике кеше зыян күргән. Аларны ашыгыч ярдәм машинасында Бөре хастаханәсенә илткәннәр.

Полиция хезмәткәрләре бу хәлнең сәбәпләрен һәм шартларын ачыклый.