Кичә кич, сәгать тугызларда, коткаручыларга Күгәрчен районында 1,5 яшьлек бала торбага төшеп киткән, дигән хәбәр килгән.
Алар бу урынга тиз килеп җиткән. Диаметры 30 см һәм тирәнлеге 6 м булган буш торба төбенә төшкән бала. Башы белән аска карап торса, ул аңын югалтмаган. Ике сәгать дәвамында тырышып, коткаручылар һәм авылдашлар белән берлектә баланы исән-имин килеш чыгара алганнар. Малайны торбадан алганнан соң, аны табиблар караганнар.
БР буенча Гадәттән тыш хәлләр министрлыгының матбугат хезмәте хәбәр итүенчә, хәзер бала белән бар да яхшы.
Балаларны бәла-казалардан саклап үстерү өчен ата-аналары аларны караучысыз калдырмасын иде.