Уфада биш үсмер агуланган

Уфаның Сипайлово бистәсендә   биш үсмер алкоголь һәм дарулар эчеп агуланган. Бу хакта Башкортстан  прокуратурасы хәбәр итә. Ведомство мәгълүматы буенча, бүген көндез 5 балигъ булмаган үсмерне фатирда һушсыз килеш туган тиешле хатын тапкан. Ул ашыгыч ярдәм чакырткан, үсмерләрне дәваханәгә озатканнар. Үсмернең берсе – реанимациядә.

“Тикшерү эше оештырылды, бер малай һәм дүрт кыз бала кичә  өлкәннәрсез фатирда җыелган. Алкоголь һәм  ниндидер дарулар эчкәннәр”, – диләр прокуратурада.

Сәламәтлек саклау министрлыгында белдерүләренчә, биш үсмернең өчесе – авыр хәлдә.

Чыганак: lenta.ru