+21 °С
Болытлы
Хәвеф-хәтәр
8 июль 2022, 15:57
Эт һөҗүм иткән малай кулсыз калган
Чөнки аны вертолетта ялгыш икенче дәваханәгә илткәннәр.
Коточкыч хәл Котлас шәһәрендә 4 июльдә теркәлә. 11 яшьлек малайга эт һөҗүм иткәч, Архангель өлкәсенең Сәламәтлек саклау министрлыгы аны тиз арада дәвалар өчен санавиация белән Мәскәүгә озатырга карар кабул итә. Әмма медиклар хаталана: эттән тешләнгән малайны ялгыш табиблар көткән дәваханәгә түгел, икенчесенә илтәләр. Ә анда балага ашыгыч рәвештә тиешле ярдәм күрсәтердәй ресурслар булмаган.
“Күп вакыт югалту нәтиҗәсендә баланың кан тамырларының бөтенлеген тергезү мөмкин түгел иде”, – диелә Архангель өлкәсенең Сәламәтлек саклау министрлыгында.
Малайны хастаханәгә озату һәм госпитализацияне оештыруга кагылышлы хезмәт тикшерүе үтә.
Чыганак: lenta.ru
