Күл төбенә киткән...

Стәрлетамак районында 63 яшьлек ир күлгә батып үлгән.

Республиканың Гадәттән тыш хәлләр буенча дәүләт комитетыннан хәбәр итүләренчә, 1959нчы елгы ир Йөрәктау авылы янындагы күлдә су кергәндә күл төбенә китә.

Яр буендагы кешеләр аны судан чыгара, әмма коткарырга өлгермиләр...

“Әле су керергә иртә: чөнки суның өске катламы гына җылына башлада, ә су температурасы түбән булып кала. Мондый чакта су керергә, бигрәк тә суга чумарга ярамый",  – дип кисәтәләр ведомствода.

Ни кызганыч, сулыклардагы фаҗигаләр саны арта башлады.