300дән артык мунча янган

Башкортстанда 2022 ел башыннан алып 351 мунча янган. Бу хакта Гадәттән тыш хәлләр министрлыгының Башкортстан буенча идарәсеннән хәбәр итәләр.

Янгын вакытында 2 кеше үлгән, 11 кеше төрле дәрәҗәдә тән җәрәхәтләре алган.

Янгын чыгуның төп сәбәпләре – төзек булмаган яки зыян күргән электр чыбыгы. Шулай ук төтен чыгу юлына корым җыелу да төп сәбәпләрнең берсе булып тора.

“Кайсыбердә кешеләрнең мунча якканнарын онытып җибәргән очраклары да бар. Күз-колак булып тормау аркасында да янгыннар килеп чыга”, – диләр ведомство хезмәткәрләре.

Коткаручылар мунча якканда игътибарлы булырга һәм янгын хәвефсезлеге кагыйдәләрен үтәргә чакыра.