Гомере юлда өзелгән...

Бүген, 9 февральдә, Чакмагыш районында юл фаҗигасе бер кешенең гомерен өзгән.

Юл хәрәкәте хәвефсезлегенең Башкортстан буенча дәүләт идарәсе хәбәр итүенчә, Бүздәк-Чакмагыш-Дүртөйле автоюлының 74нче километрында авария булган: Skoda Octavia һәм Lada Granta машиналары бәрелешкән.

Юл-транспорт вакыйгасы нәтиҗәсендә “Лада” водителе алган җәрәхәтләрдән җан биргән...

Әле фаҗига урынында хокук саклаучылар эшли. Тикшерү бара.