Сургут яткылыгында газ таралып, янгын чыккан

Ханты-Манси автономияле округының Сургут районындагы яткылыкта газ таралган һәм янгын чыккан. Вакыйгада 4 кеше каза күргән, алар арасында  безнең якташыбыз да бар.

“Беренчел мәгълүмат буенча, бу хәл скважинага перфоратор төшергәндә вакытта булган. 4 кеше пешкән, алар  Сургут шәһәр клиник дәваханәсенә озатылган”, – диләр ТАСС агентлыгында махсус хезмәтләргә таянып.  

Янгынны сүндергәннәр. Прокуратура бу вакыйганы үз контроленә алган.

“Каза күрүчеләр беренче һәм икенче дәрәҗә пешүләр алганнар. Барысы да үз аңында. Аларның гомеренә берни янамый”, – ди агентлыктагы чыганак.  Вахта ысулы белән эшләүчеләр Башкортстаннан һәм Мари Иленнән килгәннәр.

Юграның сәламәтлек саклау департаментында хәбәр итүләренчә,  вахтовикларның хәле уртача авырлыкта дип бәяләнә. Табиблар аларга барлык тиешле ярдәмне күрсәтә. 

Чыганак: bashinform.ru