Ат көтүе өстенә барып менгән

Кичә кич Сибайда теркәлгән юл авариясендә каза күрүчеләр бар, дип хәбәр итәләр БР буенча ЮХХДИ идарәсенең матбугат хезмәтендә.

“Беренчел версия буенча, “Лада Гранта” руле артындагы 26 яшьлек егет  Аскар-Әлмөхәммәт-Сибай юлының 57нче километрында ат көтүенә барып менгән. Авария нәтиҗәсендә водитель, аның пассажирлары – 24 яшьлек кыз һәм 16 яшьлек мәктәп укучысы – дәваханәгә озатылган. Ике терлек үлгән. Вакыйга урынына тиз арада полиция килеп җиткән. Алар һәм башка хезмәтләр авария сәбәбен ачыклаячак”, – диләр ведомствода.

Чыганак: bashinform.ru